Meghalaya-ah ruihhlo Rs vbc 15 chuang hu man

Meghalaya-a East Jaintia district-ah Thawhṭanni khan hmun pahnihah ruihhlo, heroin leh marijuana tam tham tak man a ni. Ruihhlo mante hi international market-ah Rs vbc 15 chuang hu an tling.

Anti-Narcotics Task Force (ANTF) leh Lad Rymbai Police station chuan thu an dawn bawhzuiin, BMS Fuel Station, Nongsning bulah ruihhlo phurtu motor hi an lo chang a, motor-ah hian sahbawn bawm 200-a heroin an thuhruk chu an man a ni. Ruihhlo neitu, Nagaland mi pahnih chu an man nghal bawk.

Thawhṭanni vek khan Tripura aṭanga motor pahnih lut chu Khliehriat-ah police-te'n lo manin, marijuana kg 251 an man bawk. Marijuana an man hi Rs nuai 10 chuang man a tling a, a kengtu mi pasarihte an man bawk a ni.