Manipur-ah hri kai thar 169 awm

Manipur-ah Inrinni liam ta khan Covid-19 kai hmuh thar mi 169 an awm leh. Additional  health director Dr K Sasheekumar Mangang chuan Inrinnia hri kai hmuh chhuah zinga mi 94 chu Central Armed Police Force (CAPF) mi leh sa an nih thu a sawi. 

Hri kai hmuh chhuah tawh hi mi 3,635 an ni tawh a, an zinga 795 chu central security force-a mi an ni. Manipur hi hmarchhak state zinga hri leng tuar nasa ber zingah a tel a, hripui thihpui hi mi 11 an awm tawh. Hri enkawl mek 1,697 awmin, an zinga 995 chu tualchhung mi an ni a, armed force mi leh sa 702 an awm bawk.