NIMSR-ah kumin chhungin class ṭan beisei a ni : Nagaland CM

Nagaland Chief Minister Neiphiu Rio chuan Nagaland-a medical college hmasa ber, Nagaland Institute of Medical Science and Research (NIMSR) a tlawhnaah kumin academic year chhungin class ṭan hman a beisei thu a sawi.

Chief Minister chuan medical college sak hna thawh mek chu a lungawithlak tih a sawi a, medical college hi state mipuite'n an ṭangkaipui ngei a beisei tih a sawi. Japan sorkarin JICA kaltlanga NIMSR-a khum 400 a sponsor chu lawmawm a tih thu a sawi bawk.

Nagaland CM chuan medical college danga an state mi tana MBBS seat 80 hauh ṭhin chu tihtawp a ni tih a sawi a, hei vang hian NIMSR-ah hian ruahman lawk angin July-August-ah class ṭan tum a ni, a ti. Hun rei tak an state-in medical college an neih loh hnua an nei ve thei ta chu lawmawm a tih thu leh, India ramah pawh a ṭha ber ni thei tura a duh thu a sawi.

Kum 2014 khan sorkar laipui chuan medical college dinna tur hi a pawmsak tawh a, a sakna atan hian Rs vcb 189 ruahman a ni. Medical college sakna tur sum hi sorkar laipuiin 90% a tum ang a, Nagaland sorkarin 10% a tum thung ang. NIMSR hian kum 2026-2027 chhungin khum 550 awmna hospital a neih hman beisei a ni.