Meghalaya-in sorkar hnathawk kum 70 tlingte chawlh tir vek dawn

Meghalaya sorkar chuan sorkar hnuaia department, corporation leh agency hrang hrangte hnenah, an hnuaia thawk kum 70 tling tawhte chu an hna aṭanga chawlhtir vek turin a hriattir.

Civil society organisation-te'n bureaucrat leh officer, pension tawhte rawih nawn an awm ṭhin chu ṭha an tih loh thu an sawi hnuah, sorkar chuan hriattirna hi a tichhuak a ni.

Thupek a tihchhuahah, Chief Secretary DP Wahlang chuan, "Kum 70 tling tawhte chu state sorkar hnuaiah chhawr an ni tawh tur a ni lo a, chhawr nawr (re-employ) an ni bawk tur a ni lo," a ti. Sorkar department, society leh corporation-ahte cut-off age rualkhai taka hman vekna tur a nih thu a sawi bawk.