Meghalaya Minister hoin zirna tihhmasawn dan tur sawiho

Meghalaya education minister, Rakkam A Sangma chuan Ningani khan Garo Hills-a secondary leh higher secondary principal-te chu zirna tihhmasawn dan tur ngaihtuahin review-cum-consultation meeting hmasa ber a neihpui.

Meeting-ah hian education department adviser Himalaya Shangpliang; Meghalaya New and Renewable Energy Development Agency (MNREDA) chairman Rupert Momin; education department commissioner leh secretary Pravin Bakshi; School Education and Literacy Director Swapnil Tembe leh Garo Hills district pangaa Deputy Commissioner-te Meghalaya Board of School Education (MBOSE) Tura-a officer-te leh state education department officer-te an tel.

Minister chuan Meghalaya chu ram chhunga school chawlh san tam berna hmun a ni tih sawiin, SSLC Examination 2023-ah pawh zirlaite'n an tihchhiat thu a sawi a, zirlai dropout titlem tura hmalak a ngaih thu a sawi. English, Science and Technology leh Mathematics subject-ah zirlaite an hnufual thu leh, hemi kawnga ṭan lak a ngaih thute pawh an sawiho bawk.