NRF-in dan zawm lote sum chawi aṭangin Rs nuai 10.54 chuang hmu

North-East Frontier Railways (NFR)-in thla hnih chhunga an division panga hnuaia dan zawm lote sum chawitir aṭanga an hmuh chhuah chu Rs nuai 10.54 a ni.

NRF hian Railway Act, 1989 tlawhchhanin rel station hrang hrangah hian dan bawhchhia mi 4,661 manin, pawisa a chawitir a ni.

Rel station-ah phalna nei loa dawr siam, vantlang hmuna mei zute leh bawlhhlawh paih ṭhinte tihreh nan en dik runpui hi kalpui a ni. April leh May thla khan station-ah phal loh thil ti mi 1077 man niin, pawisa chawitir zat tling khawm hi Rs nuai 3.20 a ni a, vantlang hmuna mei zu leh bawlhhlawh paih mante sum chawi chu Rs nuai 5.59 a tling bawk. Mei zu mi 926 leh vantlang hmun tibawlhhlawh 2,685 man an ni.

NRF chuan rel station lian 75-te chu phalna nei loa thil zuarte lakah an fihlim tawh tih an tarlang. Kathari division hnuaiah station 14, Lumding division hnuaiah station 14, Alipurduar division hnuaiah station 18, Tinsukia division hnuah station 13 leh Rangiya division hnuaiah station 16-te chu danin a khap thilte lakah an fihlim tawh tih thuchhuah chuan tarlangin, NFR hnuaia Railway Protection Force (RPF)-te chuan rel station en dik hna hi an kalpui reng dawn tih a sawi bawk.

Swatchh Bharat Abhiyan kalpui mek peng pakhat atan RFP chuan rel station vawn fai, zin mite tana ei leh in thianghlim chhawpchhuah a tum a ni.