Tripura-in ramri khua 75 hming thlak dawn

Tripura sorkar chuan ramri bula thingtlang khaw 75-te hming chu thlakin, India zalenna atana nunna hlantu, zalenna sualtute hming a chawitir dawn.

India ram zalenna kum 75-na lawmna, ‘Azadi Ka Amrit Mahotsav’ peng pakhatah ramri khua 75-te khaw hming thlakna tur hi kalpui a ni dawn tih sawiin, information and cultural affairs secretary PK Chakravorty chuan heng khaw 75-te hi district level-committee-te'n an en fiah vek dawn a ni, a ti. Thuneitu lam chuan an state aṭanga India ram zalenna sualtute hming list pawh a buatsaih fel tawh tih a sawi bawk.

Heng khaw hrang hrangah hian freedom fighter-te lim hi dah an ni ang a, an chhungte pawh sorkarin a chawimawi dawn a ni, a ti. Khaw hming thar lawmna pual hian marathon, bicycle rally, musical concert bakah, zalenna sualtute hnathawh tarlanna drama-te buatsaih a ni dawn a, khaw thlan chhuah 75-ahte hian inkalpawhna kawngpui ṭha tak siam niin, state sorkar hnuai leh centre sponsred scheme-te chu heng khuaah hian 100% kalpui a tiam bawk.