2040-ah Assam higher education institute-te mahniin inrelbawl tawh dawn

Assam education minister, Ranoj Pegu chuan state chhunga higher education institution zawng zawngte chu mahniin an la inrelbawl dawn a, National Education Policy, 2020 ken kawh chu principal-te kutah dah a ni dawn tih a puang.

Inrinnia Jawaharlal Nehru College, Boko-a Assam College Principal’s Council annual general meeting-ah Pegu chuan he thu hi a sawi a ni.

Pegu chuan National Education Policy, 2020 hman a nih chungchangah professor-te chuan tihtur pawimawh tak an nei tih sawiin, education department advisor Dr. Nonigopal Mahanta nen NEP hman a nih theih dan tur principal-te an sawipui thu leh, kum 2040-ah chuan higher education institution zawng zawngte mahniin an inrelbawl tur thu a sawi.

"Zirlai 3,000 aia tlem lo awmna hi zirlai in lian takah siam a ni thei. College-te hi Autonomous College-ah dah emaw, college tina multi-disciplinary education pek emaw a ni ang. Zirlaite tan, degree chauh ni lo, eizawnna tlak thiamna an neih theih dan tur ngaihtuah a ni ang," a ti.

Annual general meeting-ah hian, Alumni Association J N College chuan education minister Ranoj Pegu hnenah alumni-te tana rest house siam dilin memorandum a theh lut. J N College faculty-te chuan education advisor Dr. Nani Gopal Mahanta hnenah doctorate degree zir turte tana special leave pek dilna memorandum an theh lut bawk.