Meghalaya-ah LSD vangin bawng 100 chuang an thi

Meghalaya-ah Lumpy Skin Disease (LSD) vangin bawng 100 chuang an thi tawh a, ran 8,000 chuangin he natna hi an vei mek bawk tih Pathiannia sokar thuchhuak chuan a tarlang.

Animal Husbandry and Veterinary department official chuan, "Department-in record a neih danin bawng 8,177-in Lumpy Skin Disease (LSD) natna hi an vei tawh a, chung zingah chuan bawng 5,884 chu dam leh tawhin 101 an thi tawh a ni," a ti a, he natna tirem tur hian bawng 28,500 chu vaccine pek an ni tawh tih a sawi bawk.

Veterinary department official chuan African Swine Fever (ASF) natna avangin state chhunga vawk 230 chuang an thi a, mahse, tunah chuan ASF lakah an fihlim tawh tih a sawi. ASF natna vei hriat hnuhnung ber chu Ri-Bhoi district-ah June 1 khan a ni. Ran hri leng avang hian state chhungah vawk sa leh bawng sa ei leh hralh a tlem phah a ni.