Meghalaya-in sangha lak luh khap chhunzawm

Meghalaya Chief Minister, Conrad K Sangma chuan Thawhṭanni khan state pawn lam aṭanga sangha lak luh khap a ni chu, mipui himna tur a ni tih sawiin, sangha lak luh khap chhunzawm a nih tur thu a sawi.

Meghalaya-ah hian sangha chhunga formalin hmuh a nih hnuah state pawn aṭanga sangha lak luh hi khap niin, ni 16 chhung khap a ni tawh. Bawng sa leh vawk sa pawh Lumpy Skin Disease leh African Swine Fever hri leng vangin lak luh khap a ni bawk.

Chief Minister chuan, "Mithi ruang vawn ṭhat nana hman thin chemical hlauhawm tak, cancer siam thei leh ei atana hlauhawm tak formalin chu sangha chhungah hmuh a ni. State pawn aṭanga sangha leh ei tur dang lak luh hi thil pawimawh tak ni mah se, mipuite himna hi kan ngai pawimawh hmasa zawk a ni," tiin a sawi.