Zirna hi ruihhlo dona hmanraw pawimawh tak a ni : Arunachal CM

Arunachal Pradesh Chief Minister Pema Khandu chuan ruihhlo ngawl vei titlem turin zirna a pawimawh tih a sawi.

Chief Minister hian Tawang district-a All Monpa Students Union leh All Tawang District Students Union-te chuThawhṭanni khan meeting neihpuiin, zirna hi ruihhlo dona kawnga hmanraw ṭha berte zinga mi a ni, a ti. Khandu chuan International Day Against Drug Abuse and Illicit Trafficking hi ruihhlo laka khawtlang a fihlim theih nana kan inpekna min hriat nawntirtu a ni, a ti bawk.

CM chuan ruihhlo ngawlveite ṭanpui an ngaih thu leh, khawtlangah hmuhsit leh en san an tawh loh nana hma lak a ṭul thu a sawi rualin, ruihhlo nghawng ṭhat lohzia khawtlangah inzirtirna uar a ngai tih a sawi. "Kan ṭanho chuan ruihhlo hi umboin khawvel him leh hrisel zawk kan siam thei a ni," tiin zirlaite chu thawhpuiah a sawm.

IGP(Law & Order) Chukhu Appa pawhin, zirlaite chu ngawlvei theih chi reng reng lakah inthiar fihlim tura chahin, "Zirlaite hi ram leh hnam hmachhuan in nih avangin mawhphurna lian tak in nei a ni. Ruihhlo hi mihring hmelma a ni a, luhchilh tawh chuan chhuah leh chu thil harsa tak a ni," a ti.