Tripura-ah mipuiin hospital suasam

Tripura-a Unakoti district-ah Pathianni khan ambulance a hman tlak loh avangin mipui thinrimin Singerbhil-a Kanika Memorial Primary Health centre-a doctor duty chu kut an thlak bakah, hospital leh motor an suasam bawk.

Mipuiin doctor kut an thlak hi medicial officer, Dr Satyajit Dutta a ni a, a hmai leh lu-ah hliam a tuar a, Agartala Government Medical College-ah enkawl a ni.

Police-te chuan mipuite hian motor accident-a thi, mi pahnih ruang leh hliam tuar mi pathumte chu hospital-ah hian an hruai a, hliam tuarte hi an dinhmun a ṭhat loh avangin Kailashar hospital-ah refer an ni tih an sawi. Mahse damlote phurhna turin ambulance chu a hman tlak lo a, hei vang hian mipui thinrim hian kut an thawh ta a ni, an ti.

Dr Dutta hi mipuite kut a tuar hnuah a hnar a thi nasa hle a, district hospital pan a tum chu an dang bet a, mahse, district magistrate leh police team tam zawk an thlen hnuah an chhanchhuak thei ta chauh a ni. Police-te chuan thubuai an ziah lut nghal bawk.