Arunachal-a Lower Subansiri Hydroelectric project-ah chhiatna thleng

Assam-Arunachal Pradesh inrina Gerukamukh hmuna Lower Subansiri Hydroelectric Project-ah chhiatna chi hrang hrang tunhnaiah a thleng.

Kar liam ta Inrinni khan, power house-ah welding hna thawh laiin gas cylinder a puak a, vanneihthlak takin hliam erawh an awm lo. Mahse, gas puak hian turbine a tihchhiat rin a ni.

Lower Subansiri Hydroelectric Project sak hna hi NHPC Ltd. in an thawk a, Inrinnia thil thleng hi tun hnaia chhiatna thlen ṭum hnihna a ni.

Thla hmasa khan ruah sur nasain power house vengtu bang (dyke) a lo tichhe tawh bawk. Dyke hi Subansiri luia tui level a sanin, power house a chim loh nana siam a ni. April thla pawh khan helai hmunah hian lei a min tawh bawk.

Lower Subansiri Hydroelectric Project-a chhiatna chi hrang hrang thleng hian project hi him tawk loa ngaihna a ti lian a ni.