Kuki pawlin NH-2 an dan titawp

United People’s Front (UPF) leh Kuki National Organisation (KNO) chuan Kangul (Kangkokpi)-a National Highway 2 an dan chu state chhung mamawh chawk luh a nih theihna atan an titawp.

Thuchhuah inṭawm an siamah, UPF thupuangtu Aron Kipgen leh KNO thupuangtu Seilen Haokip-te chuan civil society organisation, khaw hotu, ṭhalai leh hmeichhe pawl hruaitute ṭum eng emaw zat an biak rawn hnuah, kawngpui dan tihtawp hi an rel tih an sawi.

Pawl pahnihte chuan tualchhung buaina a chhuahna hmun hrang hrangah central force dah an nih danah a lungawithlak tih sawiin, buaina chhuah hlauhawm zualna hmunahte central force hi dah kim vek an nih hunah, volunteer an dahte chu an ko let dawn tih an sawi bawk.