Meghalaya SSA zirtirtute'n hlawh pe turin sorkar phût

All Garo Hills Sarva Shiksha Abhiyan School Teachers Association (AGHSSASTA) chuan thla thum chhung zet hlawh an lak tawh loh hnuhah, Thawhlṭanni khan an hlawh a batsakte pe vat turin sorkar an phut.

Zirtirtute chuan thuchhuah siamin, April, May leh June thla hlawh an la la lo tih an sawi a ni. Nikum khan Deputy Chief Minister, Prestone Tynsong chuan thla thum dana hlawh pe zel tura tiamin, a thutiamah hian a ding lo a ni, an ti. Hlawh an lak theih loh avanga harsatna an tawh nasat thu an sawi. Zirtirtute hian an pawl kaltlang hian Chief Miniser Conrad Sangma leh education minister Rakkam A Sangma te chu an ngenna ngaihtuahsak vat tur leh an hlawh tangte a rang lam pe vat tura an duh thu an thlen.