July 7-ah Tripura Assembly monsoon session ṭan dawn

Tripura Assembly speaker Biswabandhu Sen chuan ni li awh tur, Tripura assembly session chu July 7-ah ṭan a ni dawn tih a sawi.

"Monsoon session hi ni thum neih tura ruahman a ni a, mahse, eptu party-te'n ni nga nei turin rawtna an lo thlen a, Business Advisory Committee (BAC) chuan an rawtna hi a ngaihtuah a, ni li chhung nei tur hian thutlukna a siam ta ni," tiin Speaker hian a sawi. "Ni li awh tur assembly monsoon session hi July 7-ah tan a ni ang a, a ṭan niah hian finance minister-in financial year kan hman mek atana budget pharhna a nei bawk ang," tiin Sen chuan chanchinthar lakhawmtute a hrilh.

Tripura assembly budget session hi March thla khan neih ni tawh mah se, February leh March-ah assembly inthlan neih a nih avangin finance minister Pranajit Singha hian budget a pharh hman lo a ni.

Speaker chuan session-ah hian bill pahnih, Goods and Services Tax (GST) leh Tripura Appreciation bill te chu sawiho tur zingah a tel tih a sawi bawk.