Meghalaya CM-in CUET chungchang Education Minister a sawipui

Meghalaya Chief Minister Conrad K Sangma chuan Thawhlehni khan New Delhi-ah union education minister Dharmendra Pradhan a hmu a, an state-a zirlai Common University Entrance Test (CUET) examination hmachhawn hman lote tan, special CUET examination buatsaih turin a ngen.

Chief Minster chuan CUET avanga zirlaite'n harsatna an tawh chungchangte chu Union Minister hi a hrilh nghal a ni. Exam centre chu state pawn lama a awm vanga zirlaite'n harsatna an tawh thu a sawi.

Meghalaya-a district 12-ah CUET centre hi dah vek tura sorkar laipui an ngen thu sawiin, Sangma chuan infrastructure leh testing facility ṭhatna institution-te chu hmang turin a ngen a ni.

Teacher Training Institutes-in NCTE-in phut anga document upload chunga harsatna a neih ṭhin chungchang pawh CM chuan a sawi lang bawk.