Nagaland-ah lung tlain motor 3 delh, mi 2 an thi

Nagaland-a Chumoukedim district-ah Thawhlehni tlai khan ko pang aṭanga lung tlain motor pathum a delh a, mi pahnih an thih bakah mi dang pathumin hliam an tuar.

Ruah nasa tak a sur hnuah, Thawhlehni tlai dar 5 vel khan Old Chumoukedima police check-post bul, National Highway 29-ah he vanduaina hi a thleng a ni.

Lung lumin a delh zinga pakhat hi a hmunah a thi nghal a, pakhat hi Referral Hospital panpui a nih hnuah a hliam tuar loin a thi. Hliam tuar pathumte hi damdawi inah enkawl mek an ni bawk.