UCC-in hmarchhak Kristiante leh tribal-te nghawng dawn lo : Amit Shah

Hmarchhak state hrang hrangah Uniform Civil Code (UCC) dodalna a awm mek karah, Union Home Minister Amit Shah chuan UCC hian hmarchhak Kristiante leh tribal-te a nghawng dawn lo tih a sawi.

Nagaland Chief Minister Neiphiu Rio kaihhruaiin Nagaland palaite chuan Nilaini khan Delhi-ah Amit Shah hi an hmu a, UCC chungchang an sawipui a ni. Shah chuan Nagaland palaite hnenah UCC hian Nagaland bakah hmarchhak state danga Kristian leh tribal-te a nghawng ve dawn loh thu a lo hrilh tih state sorkar thuchhuak chuan a tarlang.

Kristian tamna, Nagaland-ah hian political party bakah civil society organisation hrang hrang chuan UCC hman hi an duh lo, Rio kaihhruai NDD party pawhin UCC hi an dodal bawk.