Nagaland sorkar, sorkar laipui leh ENPO-in inremna ziak dawn

Government of India (GoI), Eastern Nagaland People’s Organization (ENPO) leh Nagaland sorkar chuan Eastern Naga-te thil phut, state thar din chungchang chin felna tur inremna thuthlung an ziah thuai rin a ni.

Chief Minister Neiphiu Rio kaihhruai Nagaland sorkar palaite chuan Union Home Minister Amit Shah hmuin, Shah chuan sokar laipuiin Eastern Naga-te hnena autonomous council emaw frontier Naga territory status pe tura rawtna a siam chungchangah inremna a awm theihna turin state sorkar leh ENPO-te a rawn dawn tih a sawi.

Sorkar laipui leh ENPO-te hi an indawr mek a, state sorkar biak rawn hun tur pawh tihchian a ni thuai ang.

ENPO chuan sorkar laipuiin Eastern Naga-te chu inrelbawlna hran neia Frontier Naga Territory (FNT) din a lo remti tawh tih an sawi. FNT chu din a nih chuan sorkar laipuiin an hnathawh dante thlithlaiin, Eastern Nagaland Region-te duh dan a puitlin thei em tih kum 10 hnua ennawn leh ang tih a ni.

ENPO hian state sorkarin July 27, 2011-a sorkar laipui hnena eastern district tana autonomous council din rawtna a thlen chu a lo hnawl tawh a ni.