Sikkim-ah cancer hospital din tum

Sikkim sorkar chuan an state-ah cancer hospital din a tum a, Thawhlehni khan hemi chungchangah hian presentation neih niin, chief minister Prem Singh bakah sorkar official pawimawhte an tel. 

Cancer hospital hi South Sikkim-a Jorethang hmuna siam rawt a ni. Tihpuitlin a nih hun chuan Sikkim leh a ṭhenawm state-te  bakah Nepal, Bhutan leh Bangladesh pawhin an chhawr thei dawn a ni. World class treatment facility dah tum niin surgery, chemotherapy leh radation therapy treatment pek theih a ni dawn a, hei bakah hian cancer enkawlnaa method thar ber, proton therapy pawh pek theih a ni bawk ang. Khum 500 chuang awm theihna tur siam tum niin; medical departments, multispeciality leh superspeciality departments 10 chuang dah tum a ni.  

Chief minister chuan official-te hnenah he project atana Request for Proposal (RFP) siam turin a hrilh a, Sikkim mipuite tana medical facility ṭha ber pek a, an state chu medical hub-a siam a pawimawh thu a sawi.