RIMS-in Manipur-a medical zirlai 29-te zir zelna ngaihtuahpui turin Health Ministry a ngen
Manipur-a hnam leh hnam inkara buaina chhuak a la reh loh avangin Regional Institute of Medical Sciences (RIMS) chuan state chhunga medical zirlai 29-te chu Meghalaya leh Assam-ah zirna chhunzawm dan kawng dap sak turin Union Health Ministry a ngen.
Buaina chhuah hnua tlanchhia zirlai 29-te hi tribal niin, Imphal-ah hian an la kir ngam rih lo a ni.
Health ministry hnena lehkha a thawnah RIMS deputy director (admin) Naorem Indrakumar Singh chuan, RIMS Imphal-ah emaw Manipur sorkar hnuaia zirna-in dangah emaw a hranpaa ruahmanna siam a rem loh thu a sawi. Health ministry chu hemi chungchangah hian inrawlh tura ngenin, zirlai tangkhangte chu Shillong-a NEIGHRIMS-ah te, Guwahati-a Regional Dental College-ah te leh Guwahati Medical College and Hospital leh institution dangah an zirna an chhunzawm phalsak turin National Medical Commission (NMC) hnena dilsak turin a ngen a ni.