Assam-a college 7-te university-ah hlang kai dawn

Assam Chief Minister Himanta Biswa Sarma chuan an state-a college pasarihte chu tichangtlungin, university-ah hlan kai an ni dawn tih nimin khan a sawi.

Chief Minister chuan, "Assam chu India khawchhak lam huam chhunga zirna hmunpui, educational hub-a siamna tura hmalakna kal zelah, college pasarihte chu university-a hlan kai an ni dawn a ni," a ti.

Assam CM chuan an ruahmanna hi tihpuitlin a nih hunah chuan, kum 2021 aṭangin state chhungah university thar 10 an nei dawn tih a sawi bawk.

Pathianni khan Sarma hian heng college pasarih principal-te hi a lo kawm tawh bawk. University-a hlan kai tur college te chu - Sivasagar College, Gurucharan College (Silchar),  Jagannath Baruah (JB) College (Jorhat), Kokrajhar College, North Lakhimpur College' Nowgaon College (Nagaon) leh Bongaigaon College-te an ni.