Khawpui 4-ah 'Arunachal Rang Mahotsav' buatsaih dawn

Arunachal Pradesh sorkar chuan chuan ni li awh lemchan ennawm kut, 'Arunachal Rang Mahotsav' chu ram chhugna khawpui lian paliah a buatsaih dawn.

Chief Minister Pema Khandu leh deputy CM Chowna Mein-te chuan an social media kaltlangin theatre festival buatsaih tur hi an tarlang a ni. He festival hi July 18 - August 11 chhungin khawpui lian pali - Delhi, Mumbai, Kolkata leh Guwahati-ah neih a ni ang.

Festival-a lemchan an entir tur hi pali-ah an ṭhen hrang a, Arunachal Pradesh-in NEFA hunlai aṭanga vawiin a thlen dan chu 'Arunachal Ek Safarnama' tih hmingin an entir ang. Arunachal mite'n British awpna dodal a, Anglo War vawi thum an hmachhawn dante chu ‘the Chowpha Plang – Lu’of Tai Kamti, ‘Poju Mimak’ of Abors leh Ninu 80!’ of Wancho Warriors hmangin tarlan a ni dawn bawk.

Deputy CM chuan Arunachal tribal, India mite'n an la hriat tam loh takte hian ropui takin British awpna kha lo do letin chanchin ngaihnawm em em an nei a ni, a ti.