Sorkar laipuiin NSCN-IM leh NNPG-te inbiakna neihpui

Sorkar laipui chuan chuan Thawhlehni khan New Delhi-ah Naga political issue chungchangah Naga pawl pahnih, National Socialist Council of Nagalim-Isak-Muivah (NSCN-IM) leh Naga National Political Groups (NNPG) aiawhte chu a hran ve vein meeting pawimawh tak a neihpui.

Meeting-ah hian agenda pawimawh pahnih ngaihtuah niin, Naga-te buaina tihrehna dan tur kawng dap a ni. Sorkar laipui chuan Naga political issue chu a rang thei ang bera chinfel a duh tih a sawi.

Meeting-ah hian Manipur chungchang sawiho a ni bawk.

NSCN-IM leh sorkar laipuiin Framework Agreement an ziah chu kumin August 3 hi a kum riatna a ni tawh dawn a, NNPG nena Agreed Psoition an ziah chu November 17 hian kum ruk a tling tawh dawn bawk. Mahse inremna an lo ziah tawhte hi tun thlengin a hlawhtlinna tak hmuh tur an la awm lo a ni.