Inquiry panel-in Manipur relief camp-te an tlawh

Gauhati High Court Chief Justice hlui, Justice Ajai Lamba kaihhruai Commission of Inquiry chuan Ningani khan Imphal East leh Imphal West district-a relief camp-te an tlawh a, Manipur-a tualchhung buaina chhuak avanga mahni in leh lo tlanchhiatsante harsatna an ngaihthlaksak.

Commission hian Urup OBC Girls Hostel leh Khuman Lampak hmuna Sports Hostel no. 2 relief camp-te tlawhin, relief camp-a awmte an kawm. He camp-ah hian Moreh, Churachandpur, Sadu Yengkhoman, Ekou, leh Dolaithabi aṭanga tlanchhiate an khawsa a ni. Imphal West district-a Mekola Gulab HS School relief camp a tlawh bawk.

Justice Lamba chuan camp-a khawsa mekte chu Commission hmalaknate ṭha taka lo thawhpui tura sawmin, thawhhona ṭha a awm chuan hmalakna pawh a chak thei dawn a ni, a ti.

Commission hian tualchhung buaina chhuak chungchang zir chiangin, mimal leh pawl aṭanga complaint awmnte a ngaihtuah tel dawn a, thla ruk ral hmain sorkar laipuiah report a theh lut ang.