Assam CM-in thlai man san chhanah 'Miya' Muslim-te a puh avangin sawisel a tawk

Assam chief minister Himanta Biswa Sarma chu thlai man san chhanah 'Miya' Muslim community-te a puh avangin, ramchhunga political leader hrang hrang-te'n na takin an sawisel.

Samajwadi Party chief leh Uttar Pradesh chief minister hlui, Akhilesh Yadav chuan Assam CM chu sawiselin, sorkar hlawhchhamna mawrhphurtua Muslim-te puh hi BJP in inṭhen darhna politics a khelh dan thar lam ber a ni, a ti.

"BJP chief minister-in thlai man tihsan chhana community pakhat a puh hi a demawmin, an rilru tetzia a tilang chiang hle a ni," tiin SP chief Akhilesh Yadav chuan a sawi.

Yadav chuan, "BJP-te hian an sorkar hlawhchamnaa mawh phurhtir tur midang an zawng reng. Inṭhendarhna polictics hian a daih rei lo. Mipui ṭhen darhtute hi hnawh darha an awm hun a thleng thuai dawn," a ti bawk.

National Conference (NC) leader leh Jammu and Kashmir chief minister hlui Omar Abdullah pawhin, Assam Chief Minister thusawi hi a lo sawisel tawh bawk.

July 13 khan, Assam CM Himanta Biswa Sarmna chuan state khawpui, Guwahati-a thlai man a san chhan chu, thlai zuartu tam zawkte 'Miya' Muslim an nih vang tiin a lo sawi a ni.