Assam-Meghalaya ramri buai chungchangah meeting nei

Assam leh Meghalaya-in ramri chungchanga buaina an neih mek chu kar liam ta Inrinni khan state pahniha minister-te'n an sawi dun.

Guwahati-a meeting neihah hian Assam forest and environment minister Chandra Mohan Patowary leh Meghalaya deputy chief minister Sniawbhalang Dar-te an tel a ni.

Minister-te hian Assam lama Cachar leh East Jaintia Hills districts leh Meghalaya lam ramria buaina chungchang chipchiar takin an sawi dun. Minister pahnihte hian state pahnih ramria buaina chhuah ṭhin chhan report chipchiar theh lut turin an official-te ve ve an hriattir bawk.

Assam leh Meghalaya state hian state ramri hmun ruka buaina chungchang pawh chinfel tumin inbiak thawh hnihna an kalpui mek bawk. Nikum March thla khan, ramri buaina hmun 12 zinga hmun rukah buaina chinfelna turin memorandum of understading (MoU) an lo ziak tawh a ni.