Manipur : UNC-in darkar 12 awh bandh huaihawt

Manipur-a Imphal east district-a Sawombung area-ah kar liam ta Inrinni khan Maring Naga hnam hmeichhe pakhat kah hlum a ni a, he thil thleng avanga lungawi lohna lantirin nimin khna United Naga Council (UNC) chuan Naga chenna bial chhungah darkar 12 awh bandh an huaihawt.

UNC chuan Naga mite chunga rawng taka chetna thleng chu an dem thu sawiin, "Manipur-a Meitei leh Kuki hnam inkara buaina a chhuah tirh aṭang khan, Naga-te chuan boruak ṭha leh muanawm a awm theihna turin theihtawp an chhuah a ni," a ti. Hetiang kara Naga hnam leh an thil neihte beih tel a ni chu an pawm thei lo tih an sawi bawk.

Manipur sorkar chu Judiciary Inquiry Committee din a, pawikhawihtute man chhuah ngei an nih theihna tura hma la tur leh, an phu ang hremna pe ngei tura an phut thu UNC chuan a tarlang. He pawikhawihna thlengah hian Meitei Civil Society Organisations chu mawhphurhtuah puh tel turin an phut bawk a ni.

UNC nawrh huaihawt avang hian Ukhrul leh Kamjong district-ah sorkar office, zirna in leh sumdawnna hmunte chu khar vek a ni. Motor pawh medical emergency tih loh chu tlan chhuah khap an ni bawk.