AP-in kumin chhungin state pumah JJM kalpui hman tum

Arunachal Pradesh chief minister Pema Khandu chuan Jal Jeevan Mission (JJM) chu kuminah an state pumah kalpui hman an tum tih Thawhṭannia review meeting an neihah a sawi.

Sorkar laipui chuan JJM hnuaiah hian rural India-a chhungkaw tinte chu kum 2024-ah an in ngeiah tui thianghlim herh hawtir theih vek a tum. Mahse AP sorkar chuan sorkar laipui hun tiam hma kumah state pumah kalpui hman a tum a ni.

Chief Minister Khandu chuan an thil tum tihhlawhtling turin official-te chu theihtawpa hma la turin a chah.

Meeting-ah hian clean India programme, Swachh Bharat Abhiyan kalpui dan pawh ennawn a ni bawk.