Arunachal Pradesh cabinet-in jail tang ṭhenkhat chhuah dawn

Arunachal Pradesh sorkar chuan India Independence Day vawi 75-na (Azadi Ka Amrit Mahotsav) denchhenin, jail ṭang ṭhenkhatte chu special remission pein jail aṭangin a chhuah zalen dawn.

Thawhlehnia chief minister Pema Khandu kaihhruaia cabinet meeting chuan jail tang mek zinga pali aia tlemlo chu kumin Independence Day-ah chhuah zalen turin thuthlukna an siam a ni. Cabinet rawtna hi Governor-in a pawmpui ve leh phawt a ngai ang.

Cabinet meeting-ah hian thil dang pawimawhte pawh ngaihtuahin, state hmasawnna tur leh mipuite hamṭhatna tur thil chi hrang hrang rel bawk a ni tih CMO chuan a tarlang bawk.