Microsoft Translator-ah Assamese telh

Microsoft India chuan Microsoft Translator-a Indian language zingah Assamese telh a nih thu a sawi a, Indian language hi 12 telh an ni ta a ni. 

Azure-based service chuan translation hi a buaipui dawn a, Azure Cognitive Service Speech hmangin user-te chuan eng ṭawng pawh Assamese-in an let thei dawn a, hei bakah hian Assamese-a ziah pawh ṭawng dangin a inlet thei tawh dawn bawk a ni. 

Assam state official language, Assamese hmangtu hi an state bakah hmarchhak state hrang hrangah awmin, mi maktaduai 14 chuangin he ṭawng hi an hmang. 

Microsoft hi cloud service provider zingah Assamese translation siamtu awmchhun a la ni. Microsoft Translator-a Indian language dah tawhte chu - Assamese, Bengali, Gujarati, Hindi, Kannada, Malayalam, Marathi, Odia, Punjabi, Tamil, Telugu leh Urdu te a ni.