Gauhati HC-in Centre, Assam sorkar leh OIL hriattirna pe

Gauhati High Court chuan Dibru-Saikhowa National Park chhunga hmun pasariha drilling well siam a nih chungchangah Nilaini khan sorkar laipui, Assam sorkar leh OIL India chu thil awmdan sawifiah turin hriattirna a pe. 

Park chhunga oil laih hna thawh chungchangah hian advocate Mrin­moy Khataniar leh moun­taineer Amar Jyoti Deka chuan High Court-ah hian PIL an thehlut a ni. 

Petition thehluh hi Nilaini khan chief justice (acting) N. Kotiswawr Singh leh justice Manish Choudhury awmna bench chuan ngaihtuahin; sor­kar laipui, state sorkar laipui leh OIL India chu kar hnih chhunga insawifiahna thehlut tura tiin, October 20-ah hemi chungchang hi ngaihtuah chhunzawm leh a ni ang. 

Hetih lai hian  Ministry of Environment, Forest and Climate Change (MoEF&CC) chuan Oil India Ltd hnenah hian Tinsukia district-a Dibru-Saikhowa National Park-a hmun pasariha khur laih leh hydrocardons test tur hian environmental clearance a lo pe tawh a ni.