AR-in COCOMI lakah thubuai theh lut

Assam Rifles chuan Manipur-a civil society group, Chief of the Coordinating Committee on Manipur Integrity (COCOMI) chu mipuite hel tura fuiha puh leh, sakhua leh hnam hmanga pawl hrang hrang inkara inhuatna chawk tho zawng thiltiah puhin an lakah FIR an theh lut a a sawi.

AR chuan COCOMI hian mipuite chu an silaite thuneitute hnena pe lo turin an fuih niin an tarlang.

Hetih lai hian COCOMI hian July 4 khan Union Home Minister hnenah memorandum theh lutin, an state-a venhim hna thawk tura dah, Assam Rifles-te chu central armed police force-a thlak turin an ngen. AR-te hnenah hian an state ṭhalaite hian an ralthuam kawlte an pe lut hreh tih an sawi.

May 3-a tualchhung buaina a chhuah hnuah khan mipuite chuan police-te silai kawl 4,000 chuang leh a mu tam tham tak an ru chhuak a ni. Union home minister Amit Shah-a'n May thla tawpa Manipur a tlawh khan silaite hi pe kir leh vek turin ngen mah se, silai ruk chhuah an hmuh let leh mipuite'n an theh luh hi 1,600 vel chauh a la ni.