Sorkar laipuiin Nagaland-ah hmeichhe quota a siam duh lo : Supreme Court

Supreme Court chuan sorkar laipui chu Nagaland-a civic body inthlanah hmeichhiate chanpual tur siam duh lohah a puh.

Court chuan civic body-a hmeichhiate puala seat awm zat hmun thuma ṭhena hmun khat dah tura tih chu sorkar laipui leh Nagaland sorkarin an kalpui duh loh vangin a sawisel a, sorkar laipui chuan Constitution a ngai pawimawh lo a ni, a ti.

Justice S K Kaul leh Sudhanshu Dhulia awmna bench chuan, Nagaland chu kawng engkimah hmeichhiate ṭha taka an inhnamhnawihna state a ni a, sorkar laipui chuan hmeichhiate tana reservation siam chu tribal-te tan hman a ni ve lo, tiin a hmaih ngawt thei lo, a ti.

Sorkar laipui aiawha ding, additional solicitor general KM Nataraj kaltlangin, 'Sorkar laipui chuan Constitution hi a takin a hmang duh lo. Thil thlengahte state sorkar lakah action i la, mahse, constitution thupek zawm a nih loh laiin, state sorkar hnenah engmah i sawi leh duh si lo. Constitution scheme hi kalpui a nih theih nan eng nge i tih," tiin bench chuan sorkar laipui chu a zawt.