Manipur Governor-in State Assembly special session koh a remti

Manipur governor Anusuiya Uikey chuan state chhunga hnam leh hnam inkara buaina chhuak sawiho tur leh, a tihreh dan kawng ngaihtuahho turin Assembly-ah emergency session koh a remti.

Congress party hotu leh chief minister hlui ni bawk, Okram Ibobi Singh kaihhruai Congress Legislature Party chuan Nilaini khan Governor chu Raj Bawan-ah hmuin special session nei tur hian a nawr leh a ni. Nilainia Congress hmalakna hi, special session nei tura Governor an nawr ṭum thumna a ni tawh.

Meeting zawhah hian Ibobi Singh chuan, Governor chuan Congress aiawhte hnenah Chief Minister chu special session buatsaih turin a hriattir dawn tih a sawi, a ti.

Meeting-naah hian Congress legislator-te chuan India danpui Article 174(1)-in a phal angin, state-in buaina a tawn mek sawiho tur leh a tihreh dan kawng ngaihtuah turin Manipur Legislative Assembly-ah emergency session koh an phut thu an sawi.

Ibobi chuan state-a sorkarna fawng vuantute chu special session koh an duh loh chhan a zawt bawk. Prime Minister pawh thla thum chhung a ngawih tlat avangin a dem tih sawiin Ibobi chuan, Parliament-a Manipur chungchang zawhna awm zawng zawng chu chhang vek turin Prime Minister chu a phut bawk.

Manipur Legislative Assembly-ah hian member 60 an awm a, Congress hi epty party lian ber niin, member panga an nei a ni.