Sikkim sorkarin nau neih chawlh kum 1 chhung lak phalsak dawn

Sikkim chief minister Prem Singh Tamang chuan a kaihhruai sorkar chu sorkar hnathawk nu, nau neite chu kum khat chawlh lak leh, mipate chu nau neih chawlh, paternity leave thla khat lak phalsak an ni dawn tih a sawi.

Chief Minister chuan hetianga nau neih chawlh rei zawk pek hian chhungkua leh fate enkawlna hun tam leh ṭha zawk an nei thei dawn a ni, tiin kimchang zawkin hriattirna tihchhuah a la ni ang, tiin a sawi bawk.

Maternity Benefit Act 1061 hnuaiah sorkar hnathawk, nau neih chawlh, maternity paid leave lak theih chu thla ruk emaw, kar 26 emaw chin a ni. Central Civil Services (Leave) Rule 551 (A), 1972 hnuaia mipate paternity leave an lak theih chin chu fa pahnih chinah ni 15 a ni.