Silai leh a mu supply-a puh NSCN-IM hruaitu man

Indian Army chuan tualchhung buaina thlen mekna, Manipur-a pawl ṭhenkhat hnena silai supply-a puhin, National Socialist Council of Nagaland-Isak Muivah (NSCN-IM) hruaitu pakhat an man tih an sawi.

Army chuan an mi man hi Apam alias Nagthingpam Shimrah niin an sawi a, silai leh a mu tam tham tak tawlh luh a tum lai an man niin an sawi.

NSCN-IM chuan an pawl hruaitu an puhna hi a dik a nih chuan, a chungah action an lak tur thu an sawi ve nghal bawk. An senior leader-in hetiang thil a ti hi mak an tih thu sawiin, anni pawhin an chhui chiang ve mek tih an tarlang.

NSCM-IM hruaitu hian Nagaland police inspector pakhat nena thawk dunin silai leh a mu hi Manipur-ah hian an supply nia sawi a ni. A hmain Naga police inspector pakhat chu state police armoury aṭanga silai mu ru chhuak a, Manipur-a pawl ṭhenkaht hnena a hralh avangin man a lo ni tawh a ni. Silai leh a mu an hralhna, Manipur-a pawl hi eng pawl nge tih sawi lan a ni lo.