AP-ah EMRS scheme hnuaiah school 7 pawm

3rd October, 2020

Union ministry of tribal affairs chuan Arunachal Pradesh-a school pasarih chu Ekalavya Model Residential Schools (EMRS) scheme hnuaiah a pawm a, heng zinga pathum chu hawn tawh niin a dang chu sak mek an la ni.

EMRS scheme hnuaia school pawm tharte hi Navodaya Vidyalaya kalphung anga kalpui niin, local art leh culture pualin special facility dah a nih bakah, sports leh skill development training-na siam a ni bawk ang.

Chief minister Pema Khandu kaihhruaia social justice, empowerment & tribal affairs (SJETA) department official-ten meeting an neihah Eklavya residential school atana pasarih pawm a nih thu hi an puang a ni. Meeting-ah hian Women & Child Development (WCD) leh SJETA department hnuaia central scheme hrang hrangte ennawn a ni bawk.