Assam-in zirlai 16,944 hnenah Anundoram Barooah Award

Assam sorkar chuan  High School Leaving Certificate (HSLC) Examination, 2020-a zirlai tiṭha, marks 75% leh a chunglam hmu pha zirlai 16,944 hnenah Anundoram Barooah Award a hlan. 

HSLC Examination hi Board of Secondary Education, Assam (SEBA)-in a buatsaih a ni. 

Exam-naa zirlai tiṭha, Anundoram Barooah Award dawngtute hi laptop leina turin Rs 20,000 cheque pek an ni. 

State sorkar chuan a hmain zirlai tiṭhat te hnenah laptop hi a lo sem tawh ṭhin a, kamseh kumain erawh chuan a leina tur pawisa a pe thung. 

Chief minister Sarbananda Sonowal leh education minister Dr Himanta Biswa Sarma-te chuan zirlaite hnenah cheque hi an hlan. Sorkar chuan hemi atan hian cheng vaibelchhe 34 a seng a ni.