Nakkum March-ah NH-415 siam zawh hman loh chuan AP CM-in a ban tur thu a puang

Arunachal Pradesh chief minister Pema Khandu chuan National Highway-415 siam hna thawh mek chu nakkum March 31-ah zawh fel hman a nih loh chuan Chief Minister a nihna aṭanga a ban tur thu a puang. 

Ningania press conference a neihah, Khandu chuan kum 2021 March thlaah NH415 packate A hnuaia Chandranagar -Papunallah inkar kawng­pui siam chu zawh fel a nih loh chuan CM aṭanga a ban tur thu a sawi a ni. 

Khandu chuan kawng­pui siam hna hi an duh anga a chak tawk loh thu a sawi zui a, kumin September thlaa zawh hman tura ruahman ni mah se Covid-19 vanga lockdown puan a nih vang te, state leh ram chhunga project hrang hrangte thawh chhunzawm mumal theih loha a awm thute a sawi. Itanagar leh Naharlagun khaw inkar kawngpui, km 14-a thui siam hna hi hripui leng vang leh, ruahsur nasa vangin hna thawh theih lohin a awm fo a ni, a ti. 

NH-415 hi Assam-a Lakhimpur district aṭanga in ṭanin, Arunachal Pradesh chhung hmun eng emaw zat a paltlang a, Assam-a Biswanath district-a Hollongi-ah a tawp a ni.