Manipur special assembly session-ah Naga MLA-te tel lo turin hrilh

Naga United Council (UNC) chuan Manipur tualchhung buaina thleng mek avanga Legislative Assembly-in special assembly a neih turah, Manipur-a Naga hnam MLA 10-te chu tel ve lo turin a hriattir.

UNC chuan Manipur-a Meitei leh Chin-Kuki-Zo hnam inkara buaina chhuak mekah, state chhung hnam hrang hrang awmte chu an inzah tawn a, an dinhmunte chu an inpawm tawnsak a hun tawh a ni, a ti. Pawl hrang hrangte'n Manipur ram chin venhimna tura special assembly ko tura state sorkar an ngen chungchangah, hnam pahnihte buaina avanga hnam dang awmte tana phurrit siam a nih chuan Naga chuan eng kawng mahin a pawm dawn lo tih a sawi bawk.

Sorkar laipuiin inṭhendarhna policy a kalpui chuan Indo-Myanmar border kaltlanga dan loa Manipur-a Myanmar mi lut a tipung hle nia sawiin, hei hi tihtawp thuai a ngai tih an sawi. Home ministry ruahmanna tenawm tak hmang hian sorkar laipui chuan ram leilung fate rapbetin, an duh dan anga rorel an tum a ni, tiin an thuchhuahah an tarlang.