Tripura-in border check post-ah dengue test kalpui

Tripura-ah dengue vei an pun chhoh zel avangin sorkar chuan invenna turin hma a la mek.

Bangladesh ramah dengue vei hi an tam avangin, Tripura sorkar chuan Bangladesh border chek post-ah dengue test a kalpui mek. Dengue test certificate neite erawh chu medical test tihnawn ngai loin luh phalsak an ni.

July thla laihawl vel aṭang khan Tripura-ah hian dengue vei an pung chak hle a, state sorkar pawhin border district-ahte medical team a lo tir tawh a ni.

Sepahijala district-ah chuan mosquito-borne viral disease vei hi mi 158 hmuh chhuah an ni tawh a, hei bakah hian West Tripura distric-a border village ṭhenkhatah dengue vei hmuh chhuah an awm bawk. Tunah hian Agartala Government Medical College (AGMC)-ah dengue vei enkawl 36 an awm mek a ni. Thawhlehni khan dengue vanga thi mi pakhat a awm bawk.