COCOMI-in Manipur-a BJP sorkar a boycott

Coordinating Committee on Manipur Integrity (COCOMI) chuan chief minister N Biren Singh kaihhruai, Manipur-a BJP sorkar chu an thil phut hrang hrangte an tihpuitlin theih loh avangin an boycott tih an sawi.

COCOMI hian state sorar chu Kuki militant nena buaina chingfel tur te, National Register of Citizens (NRC) kalpui leh state inpumkhatna chungchang ngaithuah turin speical assembly session nei turtein an phut a ni.

Sorkarin mipuite thil phut a tihhlawhtlin hma chu an boycott dawn tih COCOMI president Jitendra Ningombam chuan a sawi. An pawl hi state chhunga pawl lian tak a nih avangin, sorkar hmalakna kawngah an boycott hian nghawng a neih ngei rin a ni bawk.