UNC rally neih tur Kuki pawlin a thlawp

United Naga Council (UNC)-in Manipur-a Naga chenna bial district-a vawiina Naga political issue chungchanga rally huaihawt an tum chu Kuki pawl lian ber, Kuki Inpi Manipur chuan a thlawp.

UNC hian Naga buaina chinfel a nih theihna atan, Framework Agreement lo siam tawh zulzuia sorkar laipui chu inremna siampui tura inbiakna neihpui thuai turin Manipur sorkar a phut a ni. An thil phut nawrna atan hian zing dar 10 aṭangin Tamenglong, Senapati, Ukhrul leh Chandel district headquarters-ah rally hi neih an tum.

Naga pawl chuan Indo-Naga inremna siamna tur hian kum 2015, August 3 khan sorkar laipui leh National Socialist Council of Nagaland (NSCN) chuan Framework Agreement hi an lo ziak tawh a ni, a ti. Mahse a hmawrbawkna tur hi chhan hrang hrang avangin hun rei tak tihkhawtlai chhoh a ni tiin, inremna tluantling hi siam fel thuai turin an phut.