Guwahati-ah NE defence tech expo hmasa ber nei dawn

Hmarchhak bialah a vawi khatna turin, Guwahati khawpuiah October thla hian defence technology exhihition neih a ni dawn. He hunah hian ralthuam, motor leh defence hman hmanraw thar ber berte pho chhuah a ni ang.

State sorkar, Army official-te leh Assam industries and commerce minister Bimal Borah-te chuan expo neih tura inbuatsaih dan turte sawihoin, kar liam ta khan meeting an lo nei tawh bawk.

Defence tech expo neih turah hian ram chhunga thil siam chhuaktu, startups leh MSME 200 chuang an tel dawn a, October 10 leh 11 hian Maniram Dewan Trade Center, Guwahati-ah neih a ni dawn tih Minister chuan a sawi.