Manipur aṭangin Mizoram leh Nagaland-ah chopper service-tir dawn

Ministry of Home Affairs (MHA) chuan tribal-te'n ngenna an thlen hnuah, Manipur tribal district leh Mizoram leh Nagaland state inkarah helicopter service-tir a ni dawn tih a puang.

MHA hian Manipur chief secretary Vineet Joshni hnenah Thawhṭanni khan hriattirna hi thawnin, helicopter subsidy scheme hman mek hnuaiah service hi pahnih belh a nih thu a sawi. Helicopter hi Churachandpur, Manipur leh Aizawl, Mizoram inkar bakah, Kangkokpi leh Senapati district, Manipur leh Dimapur, Nagaland inkarah thlawhtir an ni dawn a ni.