Shillong Cherry Blossom Festival-ah Ronan Keating zai dawn

Meghalaya sorkarin kumin November 17-19 chhunga Shillong Cherry Blossom Festival a buatsaih turah, Irish singer Ronan Keating a zai dawn.

Festival-ah hian Ronan Keating bakah international artist - Pink Panda, Jonas Blue, Hybrid Theory leh Kenny Musk-te pawh an zai dawn a ni.

Tourism minister Paul Lyngdoh chuan kumina festival main event hi Ri-Bhoi district-ah neih a ni dawn a, a hmun tur chu puan a la ni ang tih a sawi.

Kum 2016 aṭang khan Cherry Blossom Festival hi buatsaih ṭan a ni a, November thlaah neih a ni ṭhin. Ram chhung leh ram pawn lam aṭangin festival chhimtu pawh mi ṭhahnem tak an awm ṭhin. Festival organiser-te chuan kuminah festival chhimtu hi mi 90,000 an beisei tih an sawi a ni.