Sikkim-ah Organic Agriculture University din dawn

Sikkim chief minister Prem Singh Tamang chuan Soreng district-a Mondegaon-ah Sikkim Organic Agriculture University (SOAU) dinna tur lungphum a phum.

Chief Minister chuan an state chu India rama organic state hmasa ber a ni tih sawiin, SOAU chu organic farming kaihhnawih subject hrang hrang zirtirna tur hmun ṭha tak a ni dawn tih a sawi.

Tamang chuan an state aṭangin zirlai tam tak, agriculture, horticulture leh forestry zir tura state danga an chhuah a ngai a, mahse, SOAU chu din fel a nih hnuah, zirlaite tan heng subject zir turin state dang pan a ngai tawh dawn lo a ni, a ti. University-ah course ṭan a nih thuai theihna tura hma la turin official-te pawh a chah nghal bawk.