Manipur CM-in 'One Family One Livelihood' scheme a puang

Manipur chief minister N Biren Singh chuan tun hnaia tualchhung buaina chhuak vanga awmna mumal neilote tan "One Family One Livelihood" scheme a puang.

Sorkar chuan relief camp hrang hranga khawsa mekte eizawnna ngaihtuahsaktu tur committee a din tih CM chuan a sawi. "Sorkar chuan mahni in leh lo tlanchhiatsante chu an awmna ngaia an in benbel leh thei nan hma a la a ni," tiin, awmna ngaia let leh ngaihna awm tawh lo tan, awm lailawkna tur prefabricated house sak mek a ni, a ti bawk.

Eizawnna chânte tan sorkar chuan "One Family One livelihood" scheme hnuaiah eizawnna ngaihtuahsaktu tur committee din a nih thu sawiin Singh chuan, sorkar chuan buaina chhuak tuartute'n nunphung pangngai an neih leh theihna turin theihtawp a chhuah tih a sawi.

Manipur tualchhung buaina chhuakah hian mi 160 chuangin nunna an chan tawh a, in leh lo chan mi 60,000 chuang an awm. In leh lo bakah hian, infrastructure leh thil dang tam tak tihchhiat a ni bawk.